Banner

لکه سوی لاس: قدرت الله درمان

18.11.2010 10:17

غړپ د اوښکو له ډک جام کوم روان یم
زړه مې نه ځي خو ناکام کوم روان یم

ستا لټون پسې په ورکو لارو سر یم
ستا پوښتنه ګام په ګام کوم روان یم
 
ته که نه يې خو ستا یاد راسره شته دی
لکه سوی لاس پرې پام کوم روان یم


تیندکونه به نو خود خورمه پـــــه لاره
چې څارنه ستا د بام کوم روان یـــــــم

څه کم عقل یم د خپلو ارمـــانـــــونــــو
زه په خپله قتل عام کوم روان یــــــــم

د الفت په لار مې ګام واخیست درمانه
هرکلی د هر الزام کوم روان یـــــــــم

قدرت الله درمان
۱ نومبر کابل هوایی ډګر

 

                 هايکو

زړه مې یبلې پښې روان دی
لار کې ستا د بڼو غنې
 دا مزل به تر منزله څنګه رسي؟

 قدرت الله درمان: خوست


ستاسو تبصره


لطفاً لاندې افغانستان په انګليسي تورو وليکئ.